- بس الراجل إسمه .. إبراهيم الرفاعى 😍🇪🇬

 

الراجل اللي فالصورة ده ذو الوجه المألوف واللى ممكن جدا يبقى شبه حد تعرفه أو أي حد قريب منك ..

كان راجل مجنون رسمى ..

- القائد بتاعه سأله فى مره : " هو إنت يا إبنى داخل مسابقه مع الجيش مين فيكوا يقتل أكتر !؟"

اما دفعته بقى ف كلهم قالوا لمراته يوم جوازهم " إشبعى من جوزك علشان هو ناوى مايطولش معانا "

- الراجل ده ماكنش تم 40 سنه كان واخد نوط الشجاعه 3 مرات و نجمة سيناء مرتين و نوط الترقيه الإستثنائيه و نوط الواجب العسكرى ..

- الراجل ده و اللى أسس المجموعه 39 قتال "صاعقه" التابعه للمخابرات الحربيه المصريه ..

دمر مخازن السلاح و الذخيره فى 67 علشان ماتقعش فى ايد العدو ..

- مره الفريق عبد المنعم رياض طلب من الراجل ده طلب و قاله : يا إبراهيم الصها*ينه جابوا صواريخ " أرض- أرض" جديده ..

إحنا عايزين منهم صاروخ واحد بس ندرسه ..

فعبر القناه و جاب تلات صواريخ و فوقهم اسر الملازم "دانى شمعون" بطل المصارعه بتاعهم فى إسر*ائيل ..

الفريق عبد المنعم رياض قاله و هو بيضحك : مش أنا طلبت منك صاروخ واحد بس !؟

رد و قاله يا فندم يمكن نمتحن فيهم قريب ولا حاجه ف قولت أجيب بزياده علشان المراجعه النهائيه ..

- الراجل ده تانى يوم إستشهاد الفريق عبد المنعم رياض 9 مارس 1969 عبر برجالته للموقع اللى ضرب الصواريخ ( المعديه 6 )و قتل 44 ظابط و عسكرى إسر*ائيلى ..

و دمر الموقع بالكامل و حرق العلم بتاعهم و رفع العلم بتاعنا على انقاض الموقع ..

إسرائيل قدمت إحتجاج لمجلس الأمن بسبب وحشية العمليه دى ..

- من فخره بإنتمائه للجيش المصرى ميز نفسه عن رجالته ولبس بياده لونها "أحمر" و خلال أنبل حرب خاضها الجيش المصرى فى 73 طلع على قاعدة صواريخ يتعامل مع كتيبة دبابات فى الإسماعيليه لوحده ..

وللأسف موقعه إتكشف و الصها*ينه عرفوا إنه قائد المجموعه وكرسوا مدفعيتهم كلها لضربه وإستشهد زى ما كان عايز ..

- مراته ساعتها صدقت إنه مجنون .. أصله كان عادى وحنين و رومانسى جدا معاها ..

كان مايبانش عليه اللى بيتقال عنه ده ..

- الراجل ده الصها*ينه كانوا مسمينه "الشبح"

و رجالته سموه " أبونا "

و الجيش المصرى سماه " أبو الشهداء "

و مصر وقتها سمته " الكبير "

واحنا بنسميه " أمير الشهداء"

- بس الراجل إسمه .. إبراهيم الرفاعى