مافي حد مش مبتلي
كل اللي بنعرفهم من بعيد أو من قريب مبتلين..
بس نوع البلاء هو اللى بيختلف..
المبتلي بمرض ماخد منه صحته وضاعف قوته
والموضوع هذا بيخليه يشتغل ويصلي ويتحرك بطاقة ضعيفة ...
المبتلي بفقد عزيز سواء بموت أو بسفر أو بإنفصال
والموضوع هذا محسسه إنه فقد قطعة من قلبه
يتمنى إستردادها ...
و المبتلي بفقر و ضيق حال
مخليه مضطر يسمع كلام سم من فلان وعلان عشان يلاقي لقمة طيبة وهدوم نظيفة ...
والمبتلي بمرض حد مقرب منه
فهو بيتألم نفسياً أكتر من المريض نفسه ومش عارف ينقذه ٱزاي...
والمبتلي بزواج كله مشاكل و نكد و خناقات و قهر و توقيع من أهل الطرف الآخر ليل نهار...
والمبتلي بالسحر
فشخص عديم الدين والضمير عمل له سحر
خلاه يفقد وفرق بينه وبين حب قريب...
والمبتلي في دينه
فطول الوقت الناس بتتريق على طريقة تدينه
و بتسخر منه و بيطلعوا عليه ألقاب سخيفة...
والمبتلي بالغربة
فبقى مش عارف يتهنى وهو من غير أهله وناسه وجيرانه...
والمبتلي بفتنه أو بذنب
بيجاهد نفسه ليل نهار عشان يسيبه و الموضوع ده منغص عليه عيشته ومطير النوم من عينه...
والمبتلاه بطلاق
ومطلوب منها تربي ولادها وسط مجتمع بيسيء للمطلقات
فبقت مش عارفه تلاقيها من طليقها اللي بيصرف على ولاده بالعافية ولا من سخافة الوحدة والمجتمع...
والمبتلي بــ..... والمبتلي بــ..... و المبتلي بــ......
كلنا أصحاب إبتلاءات
مع تفاوت قدرها وشدتها
ومع إختلاف صبرنا و تحملها
فبالله عليك حاجتين
١_و أنت بتتعامل مع أي شخص اعرف إنه فيه اللي مكفيه زي ما أنت فيك اللي مكفيك...
٢_لا تمدن عينيك لحياة غيرك
هو عنده نعمه آه ممكن ماتكون عندك
بس هو كمان عنده بلاء مش عندك
....
ربنا يفرغ علينا جميعاً صبراً
ولا يجعل مصيبتنا في ديننا ..
ليست هناك تعليقات:
إرسال تعليق