واحد كاتب" يا جماعة في حمامة عملت عشها ع شباك غرفتي و باضت فيه ... بفكر أنقله علي مكان تاني ... لأني مضايق منه و سمعت أنه بيجيب حشرات و بنفس الوقت خايف أنه يخرب العش و البيض من النقل ... عجبني حرص السائل على العش ....
وما استغربتش شعوره الإنساني و حتى ضيقته وفي نفس الوقت خوفه وقولت أخش كده أشوف التعليقات
لقيت ناس كتييير من اللي يعرفوا بالطيور عموما
"و بالحمام خصوصا " نصحوا أنه ما يحركوش
لأن الطير مش هيرجع يرقد علي البيض و انبسطت من رد فعل المجتمع الإنساني ... المهم لفت نظري تعليق فظيع لرجل بيقول :
" يارجل ... سابت كل خلق الله و أمنت لك ..
وتخذلها "
أنا وقتها قشعرت وعجبني التعليق و طريقة فهمه للقصة ..
و الزاويه اللي جاوب منها ع السؤال
اللي عاوز أقوله ..
اللي ساب الدنيا كلها و أمنك ع سر ... ماتفضحوش...
واللي ساب الدنيا كلها و قصدك بشئ تقدر عليه
و ما بيضركش ماتخذلوش ...
واللي ساب الدنيا كلها .. و اختارك صاحب أوعي تخسره ..
واللى سابت بيت أهلها متوسمه فيك الحياه ( حب و موده و سند و سكن ) فخليك راجل واحتويها
"حتى لو حمامة سابت خلق الله كلهم و أمنت لك ... لا تخذلها 
صلوا على النبي
صلوا على النبي
ليست هناك تعليقات:
إرسال تعليق