هو انتوا مسمعتوش قبل كده عن الشخص ( العدواني السلبي ) !!!...
مالك يابنتي؟؟...زعلانه ليه؟؟...هو ضربك؟ شتمك ؟ بيخونك ؟ بيضرب مخدرات؟ مبيصرفش على بيته ؟؟...
طالما مبيعملش حاجه من دي يبقى مزعلك في ايه؟؟...اعتدى عليكي في ايه؟؟....
هو انتوا مسمعتوش قبل كده عن الشخص ( العدواني السلبي ) !!!...
الي هو مشكلته اساسا انه مبيعملش مش إنه بيعمل ...
يعني أما تكون محتاج رأيه و ميقولش،
محتاج حنيته و ميديش، محتاج ونس و يسيبك و يمشي، محتاج كلمه حلوه و يديك ضهره، محتاج مساعده ولا كأنه هنا، محتاج حد يشرب معاك كوباية شاي حتى و يسيبك و يقعد لوحده...
النوع ده الي بيحول زوجته لأرمله و أولاده لأيتام حتى و هو عايش...
النوع ده المجتمع ميقدرش يغلطه ، لأنه حرفيا مبيغلطش، لكن بينه و بين ربه لازم يعرف انه غلطان غلط كبييييير، و البوست ده عشان يمكن لو حد شافه يراجع نفسه.
العدوان مش بس ضرب و خناق و حاجه بتتعمل ، العدوان ممكن يكون بإنك تكون سلبي جدا و منسحب جدا و في حالك جدا... لدرجة انك تكون " الحاضر الغائب "....
فاهمني حضرتك؟ !!!!!
ليست هناك تعليقات:
إرسال تعليق