علشان لو تدبرت القصه بعقلية اليومين دول ممكن تحس إنهم معملوش حاجه غلط قوي يعني.
ربنا قالهم متصطادوش يوم السبت والنَّاس قاعدة مفيش سمك طول الأسبوع ومش بيجي سمك غير يوم السبت فمعملوش حاجه غير إنهم حطوا الشبك الجمعه بليل ولموا السمك الأحد الصبح يعني هما بنفسهم ماصطادوش يوم السبت، تحس عادي يعني هما عملو إيه...
أكيد في شيوخ عندهم قالولهم يجوز
مدام انتوا بس رميتوا الشبكً
وناس منهم قالولهم وإحنا مالنا
وأكيد سموا الصيد بتاع السبت دا حاجه غير الصيد..
لو فكرت فيها بعقلية الفهلوة بتاعة اليومين دول ممكن تلاقي إنهم معملوش حاجة....
بس ربنا غضب عليهم و لعنهم يعني أخرجهم من رحمته وجعلهم قردة خاسئين .
كل دا علشان لفوا وداروا حواليين أمر ربنا سبحانه وتعالي
قد إيه في ناس إنهارده عايشة بعقلية المحلل بتلف وتدور..
- الخمرة بقت مشروبات روحية
- الرشوة بقت إكرامية
- الربا بقى فايدة
- إنفلات الأخلاق والعري حرية
- اللي مش بيصلي يقولك الدين معاملة
- اللي يصلي الجمعة بس ويقولك مش أحسن ما اصليش
- اللي بيجمع الصلاة كلها قبل ما ينام
- اللي يروح صلاة الجمعة علي الصلاة بالظبط وربنا امر انك تحضر الخطبة
- الحجاب اللي بقي سبانش
واللي واللي واللي واللي ....
بصراحة حالنا صعب ومش كويس ويمكن يكون دا سبب حالنا كأفراد وحال الأمة كلها.
المصيبة إن يكون ربنا غضبان علينا أو حتي خارجين من رحمته واحنا مش حاسين .
رحمتك يارب
ليست هناك تعليقات:
إرسال تعليق