ممكن حد يبقى راضي بقضاء ربنا ومؤمن جدا انه سبحانه كاتب له الخير بس يبقى تعبان .. او حزين .. او مجهد من
كتر الخبطات والصدمات اللي شافها ف حياته .. و حتى وهو بيعيط بيقول " يا رب "
دا مش معناه انه مش راضي ... بلاش كل اما تشوفوا حد تعبان وحزين تقولوا له اصلك مش راضي .. اصلك بعيد عن ربنا ..اصلك لو بس تسلم امرك لله حتبقى سعيد !!
طب ازاي ابقىً في الاختبار الصعب فرحان و في السعد فرحان !!
دا الرسول عليه الصلاة والسلام سمي عام بعام الحزن
لانه كان حزين حزن شديد .. على زوجته السيدة خديجة وعلى عمه..و اما فقد ابنه ابراهيم
قال " العين تدمع والقلب يحزن على فراقك يا ابراهيم"
الحزن مالوش علاقة بالرضا ولا بدرجة الايمان ..
ما تحملوش الناس فوق طاقتها .. ممكن أكون حزين و راضي او سعيد و راضي ..
ومن هنا جت دعوة " اللهم اجعلنا عبيد احسان لا عبيد امتحان "
ليست هناك تعليقات:
إرسال تعليق